Punjab Da Crorepati Quiz 2026

ਪੰਜਾਬ ਦੇ ਨੌਜਵਾਨਾਂ ਕੋਲ ਕਰੋੜਪਤੀ ਬਣਨ ਦਾ ਮੌਕਾ, CM ਮਾਨ ਨੇ ਸ਼ੁਰੂ ਕੀਤਾ ‘ਪੰਜਾਬ ਦਾ ਕਰੋੜਪਤੀ’ ਮੁਕਾਬਲਾ

Punjab Da Crorepati Quiz 2026 – ਪਟਵਾਰੀ ਅਤੇ ਪੀਸੀਐਸ ਵਰਗੇ ਇਮਤਿਹਾਨਾਂ ਦੀ ਤਿਆਰੀ ਦੇ ਨਾਲ-ਨਾਲ ਮਿਲੇਗਾ ਲੱਖਾਂ-ਕਰੋੜਾਂ ਰੁਪਏ ਕਮਾਉਣ ਦਾ ਸੁਨਹਿਰੀ ਮੌਕਾ, ਜਾਣੋ ਕਿਵੇਂ…

ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਸੂਬੇ ਦੇ ਨੌਜਵਾਨਾਂ ਨੂੰ ਆਪਣੇ ਸੱਭਿਆਚਾਰ, ਵਿਰਸੇ ਅਤੇ ਆਮ ਗਿਆਨ ਨਾਲ ਜੋੜਨ ਦੇ ਮਕਸਦ ਨਾਲ ਇਕ ਨਿਵੇਕਲੀ ਪਹਿਲਕਦਮੀ ਕੀਤੀ ਹੈ. ਇਸ ਉਪਰਾਲੇ ਤਹਿਤ ‘ਪੰਜਾਬ ਦਾ ਕਰੋੜਪਤੀ’ ਸੂਬਾ ਪੱਧਰੀ ਕੁਇਜ਼ ਮੁਕਾਬਲਾ ਸ਼ੁਰੂ ਕੀਤਾ ਗਿਆ ਹੈ। ਪੰਜਾਬ ਦੇ ਸਾਰੇ 23 ਜ਼ਿਲ੍ਹਿਆਂ ਦੇ ਨੌਜਵਾਨ ਹਿੱਸਾ ਲੈ ਸਕਣਗੇ ਅਤੇ ਮੁਕਾਬਲੇ ਦੇ ਗ੍ਰੈਂਡ ਫਿਨਾਲੇ ਦੇ ਜੇਤੂ ਨੂੰ 1 ਕਰੋੜ ਰੁਪਏ ਦਾ ਨਕਦ ਇਨਾਮ ਦਿੱਤਾ ਜਾਵੇਗਾ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇੱਕ ਵੀਡੀਓ ਸੰਦੇਸ਼ ਰਾਹੀਂ ਇਸ ਪੋਰਟਲ ਦੀ ਸ਼ੁਰੂਆਤ ਕੀਤੀ.

ਯੋਗਤਾ ਅਤੇ ਸ਼ਰਤਾਂ

  • ਉਮਰ ਹੱਦ. ਇਸ ਮੁਕਾਬਲੇ ਵਿੱਚ 15 ਤੋਂ 30 ਸਾਲ ਤੱਕ ਦੇ ਨੌਜਵਾਨ ਹਿੱਸਾ ਲੈ ਸਕਦੇ ਹਨ।
  • ਨਿਵਾਸ. ਉਮੀਦਵਾਰ ਪੰਜਾਬ ਦੇ ਕਿਸੇ ਵੀ 23 ਜ਼ਿਲ੍ਹਿਆਂ ਦਾ ਵਸਨੀਕ ਹੋਣਾ ਚਾਹੀਦਾ ਹੈ।
  • ਰਜਿਸਟ੍ਰੇਸ਼ਨ ਫੀਸ. ਇਸ ਕੁਇਜ਼ ਵਿੱਚ ਭਾਗ ਲੈਣ ਲਈ ਕੋਈ ਫੀਸ ਨਹੀਂ ਹੈ, ਰਜਿਸਟ੍ਰੇਸ਼ਨ ਬਿਲਕੁਲ ਮੁਫ਼ਤ ਹੈ।
    15 ਨਵੰਬਰ ਤੋਂ ਹੋਵੇਗੀ ਪ੍ਰਤੀਯੋਗਤਾ ਲਈ ਆਨਲਾਈਨ ਰਜਿਸਟ੍ਰੇਸ਼ਨ ਦੀ ਸ਼ੁਰੂਆਤ
    ਰਜਿਸਟ੍ਰੇਸ਼ਨ ਕਰਵਾਉਣ ਦੀ ਆਖ਼ਰੀ ਤਰੀਕ 28 ਨਵੰਬਰ ਤੈਅ ਕੀਤੀ ਗਈ ਹੈ।

ਇਨਾਮੀ ਰਾਸ਼ੀ ਦਾ ਵੇਰਵਾ

Details of Prize Money
Pic Credit: X

ਇਸ ਮੁਕਾਬਲੇ ਵਿੱਚ ਕੁੱਲ 10,000 ਪ੍ਰਤੀਭਾਗੀਆਂ ਨੂੰ ਨਕਦ ਪੁਰਸਕਾਰਾਂ ਨਾਲ ਨਿਵਾਜਿਆ ਜਾਵੇਗਾ। ਪ੍ਰਤੀਯੋਗਤਾ ਦੇ ਪਹਿਲੇ ਚਾਰ ਰਾਊਂਡ ਚੋਣ ਪ੍ਰਕਿਰਿਆ (ਸਿਲੈਕਸ਼ਨ) ਦਾ ਹਿੱਸਾ ਹੋਣਗੇ, ਜਿਸ ਤੋਂ ਬਾਅਦ ਪੰਜਵੇਂ ਰਾਊਂਡ ਵਿੱਚ ਕੁੱਲ 10,000 ਪ੍ਰਤੀਭਾਗੀ ਸ਼ਾਮਲ ਹੋਣਗੇ।

  • ਪੰਜਵਾਂ ਰਾਊਂਡ: 5,000 ਪ੍ਰਤੀਭਾਗੀਆਂ ਨੂੰ 1,000-1,000 ਰੁਪਏ ਮਿਲਣਗੇ।
  • ਛੇਵਾਂ ਰਾਊਂਡ: 2,500 ਪ੍ਰਤੀਭਾਗੀਆਂ ਨੂੰ 2,000-2,000 ਰੁਪਏ ਮਿਲਣਗੇ।
  • ਸੱਤਵਾਂ ਰਾਊਂਡ: 1,250 ਪ੍ਰਤੀਭਾਗੀਆਂ ਨੂੰ 3,000-3,000 ਰੁਪਏ ਮਿਲਣਗੇ।
  • ਅੱਠਵਾਂ ਰਾਊਂਡ: 625 ਪ੍ਰਤੀਭਾਗੀਆਂ ਨੂੰ 5,000-5,000 ਰੁਪਏ ਮਿਲਣਗੇ।
  • ਨੌਵਾਂ ਰਾਊਂਡ: 395 ਪ੍ਰਤੀਭਾਗੀਆਂ ਨੂੰ 10,000-10,000 ਰੁਪਏ ਮਿਲਣਗੇ।

ਮੁਕਾਬਲੇ ਦਾ ਜ਼ਿਲ੍ਹਾ ਪੱਧਰੀ ਮੁਕਾਬਲਾ 9 ਦਸੰਬਰ ਨੂੰ ਹੋਵੇਗਾ। ਇਸ ਵਿੱਚ ਹਰੇਕ ਜ਼ਿਲ੍ਹੇ ਦੇ ਚੋਟੀ ਦੇ 10 ਭਾਗੀਦਾਰ ਹਿੱਸਾ ਲੈਣਗੇ। ਇਸ ਤਰ੍ਹਾਂ ਸਾਰੇ 23 ਜ਼ਿਲ੍ਹਿਆਂ ਵਿੱਚੋਂ ਕੁੱਲ 230 ਭਾਗੀਦਾਰ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਵਿੱਚ ਪਹੁੰਚਣਗੇ। ਹਰੇਕ ਜ਼ਿਲ੍ਹੇ ਦਾ ਜੇਤੂ ਰਾਜ ਪੱਧਰੀ ਫਾਈਨਲ ਵਿੱਚ ਆਪਣੇ ਜ਼ਿਲ੍ਹੇ ਦੀ ਪ੍ਰਤੀਨਿਧਤਾ ਕਰੇਗਾ।

ਰਾਜ ਪੱਧਰੀ ਫਾਈਨਲ ਮੁਕਾਬਲਾ 17 ਦਸੰਬਰ ਨੂੰ ਹੋਵੇਗਾ। ਇਸ ਵਿੱਚ ਸਾਰੇ 23 ਜ਼ਿਲ੍ਹਿਆਂ ਦੇ ਜੇਤੂ ਆਹਮੋ-ਸਾਹਮਣੇ ਹੋਣਗੇ।

ਫਾਈਨਲ ਵਿੱਚ 10 ਭਾਗੀਦਾਰਾਂ ਨੂੰ 3-3 ਲੱਖ ਰੁਪਏ, 8 ਭਾਗੀਦਾਰਾਂ ਨੂੰ 5-5 ਲੱਖ ਰੁਪਏ ਅਤੇ 4 ਭਾਗੀਦਾਰਾਂ ਨੂੰ 10-10 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ। ਮੁਕਾਬਲੇ ਦੇ ਅੰਤਿਮ ਜੇਤੂ ਨੂੰ 1 ਕਰੋੜ ਰੁਪਏ ਦਾ ਨਕਦ ਇਨਾਮ ਮਿਲੇਗਾ।

  • ਪਹਿਲਾ ਇਨਾਮ (ਗ੍ਰੈਂਡ ਫਿਨਾਲੇ ਜੇਤੂ). ₹1 ਕਰੋੜ।
  • ਦੂਜਾ ਇਨਾਮ (4 ਉਪ-ਜੇਤੂ). ₹10-10 ਲੱਖ।
  • ਲੀਡਰਬੋਰਡ ਟੌਪਰ (8 ਪ੍ਰਤੀਭਾਗੀ). ₹5-5 ਲੱਖ।
    ਹੋਰ ਇਨਾਮ. ਚੋਟੀ ਦੇ 10,000 ਪ੍ਰਤੀਭਾਗੀਆਂ (ਜ਼ਿਲ੍ਹਾ ਪੱਧਰੀ ਜੇਤੂਆਂ ਸਮੇਤ) ਨੂੰ ਵੀ ਨਕਦ ਇਨਾਮ ਅਤੇ ਡਿਜੀਟਲ ਸਰਟੀਫਿਕੇਟ ਦਿੱਤੇ ਜਾਣਗੇ।

ਸਵਾਲਾਂ ਦਾ ਚੱਕ੍ਰਵਯੂਹ

ਮੁਕਾਬਲੇ ‘ਚ ਸਵਾਲਾਂ ਦਾ ਘੇਰਾ ਵੀ ਕਾਫ਼ੀ ਵਿਸ਼ਾਲ ਰੱਖਿਆ ਗਿਆ ਹੈ। ਲਗਪਗ 50 ਹਜ਼ਾਰ ਸਵਾਲਾਂ ਦਾ ਪ੍ਰਸ਼ਨ ਬੈਂਕ ਤਿਆਰ ਕੀਤਾ ਗਿਆ ਹੈ। ਇਸ ‘ਚ ਪੰਜਾਬ ਦੇ ਇਤਿਹਾਸ, ਸੱਭਿਆਚਾਰ, ਵਿਰਾਸਤ, ਗਣਿਤ, ਭੂਗੋਲਿਕ ਨਕਸ਼ਿਆਂ ਅਤੇ ਪੰਜਾਬ ਸਰਕਾਰ ਨਾਲ ਸਬੰਧਤ ਵਿਸ਼ਿਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਸਵਾਲਾਂ ਦਾ ਪੱਧਰ ਵੱਖ-ਵੱਖ ਰੈਂਕਾਂ ਦੇ ਹਿਸਾਬ ਨਾਲ ਹੋਵੇਗਾ। ਜਿਵੇਂ-ਜਿਵੇਂ ਪ੍ਰਤੀਭਾਗੀ ਅਗਲੇ ਰਾਊਂਡ ‘ਚ ਪਹੁੰਚਣਗੇ, ਸਵਾਲ ਵੀ ਬਦਲਦੇ ਜਾਣਗੇ ਅਤੇ ਮੁਸ਼ਕਲ ਹੁੰਦੇ ਜਾਣਗੇ।

ਸਮਾਂ ਸੀਮਾ – ਹਰੇਕ ਸਵਾਲ ਦੇ ਚਾਰ ਵਿਕਲਪ ਹੋਣਗੇ ਅਤੇ ਜਵਾਬ ਦੇਣ ਲਈ 20 ਸਕਿੰਟ ਦਾ ਸਮਾਂ ਮਿਲੇਗਾ।

ਅਰਜ਼ੀ ਕਿਵੇਂ ਦੇਣੀ ਹੈ

  • ਚਾਹਵਾਨ ਨੌਜਵਾਨ ਅਧਿਕਾਰਤ ਵੈੱਬਸਾਈਟ Punjab Da Crorepati Portal ‘ਤੇ ਜਾ ਕੇ ਜਾਂ ਗੂਗਲ ਪਲੇਅ ਸਟੋਰ / ਐਪਲ ਐਪ ਸਟੋਰ ਤੋਂ Punjab Da Crorepati ਐਪ ਡਾਊਨਲੋਡ ਕਰਕੇ ਰਜਿਸਟ੍ਰੇਸ਼ਨ ਕਰ ਸਕਦੇ ਹਨ।
  • ਆਪਣੇ ਮੋਬਾਈਲ ਨੰਬਰ ਅਤੇ OTP ਰਾਹੀਂ ਵੈਰੀਫਿਕੇਸ਼ਨ ਕਰੋ।
  • ਆਪਣੀ ਪਛਾਣ, ਜ਼ਿਲ੍ਹੇ ਅਤੇ ਸਕੂਲ/ਕਾਲਜ (ਜੇ ਪੜ੍ਹ ਰਹੇ ਹੋ) ਦੇ ਵੇਰਵੇ ਭਰ ਕੇ ਰਜਿਸਟ੍ਰੇਸ਼ਨ ਪੂਰੀ ਕਰੋ। (ਅਭਿਆਸ ਲਈ ਪੋਰਟਲ ‘ਤੇ ਮੋਕ ਕੁਇਜ਼ ਵੀ ਉਪਲਬਧ ਹੈ।)

    ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਵੱਧ ਤੋਂ ਵੱਧ ਰਜਿਸਟ੍ਰੇਸ਼ਨ ਦੀ ਅਪੀਲ

    CM Mann Launches contest
    Pic Credit: Punjab DPRO

    ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੂਬੇ ਦੇ ਸਮੂਹ ਸਕੂਲਾਂ ਤੇ ਕਾਲਜਾਂ ਦੇ ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਉਹ ਵਿਦਿਆਰਥੀਆਂ ਨੂੰ ਇਸ ਪੋਰਟਲ ‘ਤੇ ਵੱਧ ਤੋਂ ਵੱਧ ਮੁਫ਼ਤ ਰਜਿਸਟ੍ਰੇਸ਼ਨ ਕਰਵਾਉਣ ਲਈ ਉਤਸ਼ਾਹਿਤ ਕਰਨ। ਉਨ੍ਹਾਂ ਨੌਜਵਾਨਾਂ ਨੂੰ ਸ਼ੁਭਕਾਮਨਾਵਾਂ ਦਿੰਦਿਆਂ ਕਿਹਾ ਕਿ, “ਖੇਡੋ, ਸਿੱਖੋ ਅਤੇ ਜਿੱਤੋ ਦੇ ਸਿਧਾਂਤ ਤਹਿਤ ਇਸ ਪਾਰਦਰਸ਼ੀ ਮੁਕਾਬਲੇ ਵਿੱਚ ਹਿੱਸਾ ਲਓ, ਆਪਣਾ ਗਿਆਨ ਵਧਾਓ ਅਤੇ ਇਨਾਮ ਜਿੱਤੋ।” ਉਨ੍ਹਾਂ ਕਿਹਾ ਕਿ ਇਹ ਨੌਜਵਾਨਾਂ ਲਈ ਸਿੱਖਣ, ਆਪਣਾ ਗਿਆਨ ਵਧਾਉਣ ਅਤੇ ਇਨਾਮ ਜਿੱਤਣ ਦਾ ਅਨੋਖਾ ਮੌਕਾ ਹੈ। ਇਸ ਮੁਕਾਬਲੇ ਰਾਹੀਂ ਨੌਜਵਾਨਾਂ ਨੂੰ ਮਨੋਰੰਜਨ ਦੇ ਨਾਲ-ਨਾਲ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ‘ਚ ਵੀ ਮਦਦ ਮਿਲੇਗੀ।

    Richa Ahuja

    Richa Ahuja is a journalist, producer, and storyteller with over 14 years of experience in media. Her professional journey spans news agencies, television news channels, digital platforms, and advertising. She has also worked on several special projects, including projects associated with MHRD, an astrology-based television show, and an event centred on the Nirbhaya case. She has a keen interest in writing about trending issues, current affairs, and stories that connect with people. She also enjoys exploring subjects that are close to her heart, bringing a thoughtful and engaging perspective to her work.

    Post navigation

    ਬਿਨਾਂ ਪਰਾਲੀ ਸਾੜੇ ਖੇਤੀ ਕਰਕੇ ਰੋਲ ਮਾਡਲ ਬਣਿਆ ਗਹਿਰੀ ਭਾਗੀ ਦਾ ਕਿਸਾਨ ਕਰਮਜੀਤ ਸਿੰਘ

    ਪੰਜਾਬ ਨੂੰ ਭਾਰਤ ਦਾ ਅੰਨ ਭੰਡਾਰ ਕਿਹਾ ਜਾਂਦਾ ਹੈ। ਦੇਸ਼ ਦੀ ਅਨਾਜ ਸੁਰੱਖਿਆ ਵਿੱਚ ਪੰਜਾਬ ਦੇ…

    Leave a Comment

    Leave a Reply

    Your email address will not be published. Required fields are marked *